Related Articles

Chinese Drumsticks

March 10, 2017

Chicken with Vegetables

February 23, 2017

Shashlik Rice

December 31, 2016

Chicken Chow Mein

Chicken Chow Mein Recipe

 

Ajzaa:

Chicken (beghair haddi ke): Adha kilo (chotey chotey tukrey kar len)

Soya sos: 3 khaney ke chamach

Corn flour: Ek chaye ka chamach

Hari peyaz ke pattey: Ek peyali (bareek katey huwe)

Peyaz: Ek dali (bareek kati hui)

Kali mirch pisi hui: Ek chaye ka chamach

Band gobhi: Ek phool (bareek lambai ma kati hui)

Shimla mirch: 3 adad (bareek lambai ma kati hui)

Bean sprouts: Ek payali

Tail: Char khaney ke chamach

Chicken cubes: 2 adad

Safed sirka: 3 khaney ke chamach

Chicken cube mila hua meda: Adha khaney ka chamach

Namak: Hasb-e-zaiqa

Cheeni: Ek chaye ka chamach

Safed mirch pisi hui: Ek chaye ka chamach

Gajar: 3 adad (bareek kati hui)

Adrak lehsan pisa hua: Ek chaye ka chamach

Noodles: Ek packet

Til ka tail: Chand qatrey

 

Tarkeeb:

Sab se pehle chicken ma ek chamach sirka, ek chamach soya sos, namak or corn flour mila kar adhe ghante ke liye rakh den. Ek bari degchi ma khoob dher sara pani garam karen. Jab pani kholne lage to noodles dal den. Sath ma ek chamach tail dal den. Jab noodels gal jayen to chalni se chaan len. Foran hi thande pani se noodles ko uper neeche kar ke dho len or ek chaye ka chmach tail mila den ta ke noodles chipak na jayen. Ab ek bari karahi ma tail garam karen. Peyaz dal kar halki gulabi kar len. Adrak lehsan dal kar halka sa bhoon kar chicken dal den. Jab pani khushk ho jaye to sabzian or cubes dal den. Phir soya sos, sirka, namak, kali safed mirch, meda or cheeni dal kar 5 minute tak bhoon len. Phir noodles daal kar mix karen or beans sprout or pattey daal den. Tasty chicken chow mein recipe tyar hai. Til ka tail daal kar garma garam khane ke liye pesh karen.