Urdu Palace No.1 Urdu Website
Related Articles
Blackheads
Black Head Treatment
Blackheads chehere ki khubsoorti or jild ki saakht ko bigarney ma boht eham kirdar ada karte hain. Ye ek aam jildi masla ha jis ke kai naam hain jese ke pimple, zet ya acni waghera. Is ke elawa isey comedo bi kaha jata ha. Blackheads qudarti chiknai sebum or jild ki khuleyat ka milaap hain jo hair folikal ma jama hotey hain. Ye chonke khuley mu wale daney hotey hain jo askin nahi rakhtey is liye hawa se rad-e-amal per ye masamon ma ek badboo dar teh bana dete hain or hawa ma mojood oxygen is chiknai je sath mil kar isey gehra seyah kar deti ha. Blackheads zeyada tar naak ki sirey or is ke itraaf ma mojood hote hain. Lakin kuch logon ma ye dusri jaghon jese ke kaano, kandhon or peeth waghera ma bi paye jate hain. Black or whiteheads har us jagah ban skte hain jahan per hair folikal mojood hon. Blackheads se chutkara paney ke liye masaaj or asteeming ke elawa jild ki dekh bhal or safai ka baqaida bunyadon per dheyan rakhan be had zaroori ha. Aj hum ap ko blackheads hatane ka ek nahayat hi sasta or pur asar tarika batate hain jis ke liye ap ko giloo ya ghoond ki zaroorat pare gi jo ke har ghar ma mojood hoti ha.
1. Sab se pehle giloo len lakin is se pehle apne chehre ko dho kar khushk kar len.
2. Ap giloo ko apni naak ya jis jaga blackheads hon wahan phela den.
3. Jab giloo khushk ho jaye to naak ko thora sa sukeren ta ke masaamon se sare blackheads bahir nikal ayen. Phir sookhi hui giloo ki parat ko hath se pakar kar utar den. Isi saada si tip se na sirf blackheads nikal jayen ge balke ap ki jaldi bi naram-o-mulayem ho jaye gi. Ye boht hi azmooda black head tretment hai.
