Urdu Palace No.1 Urdu Website
Related Articles
Chicken Creamy Pasta
Ajzaa:
Pasta: Adha packet
Palak: Ek ghatthi
Chicken breast: 2 adad
Tamatar: 2 adad
Lehsan: 4 joye
Parsley: Ek chothai ghatthi (bareek katey huwe)
Fresh cream: Adhi peyali
Mozrella cheese: Adha packet
Kali mirch: Ek chaye ka chamach (pisi hui)
Dar cheeni: Adha chaye ka chamach (pisi hui)
Oil: 3 Khaney ke chamach
Namak: Hasb-e-zaiqa
Tarkeeb:
Pehle pastey ko ubal kar naram kar len. Phir palak ko bareek kat kar ubalen. Ab chicken breast ko slice karen. Is ke bad pain ma 3 khaney ke chamach tail garam kar ke bareek katey lehsan ke joye brown kar len. Phir is ma chicken slice shamil kar ke itna pakayen ke is ka rang tabdeel ho jaye or wo naram ho jaye. Is ma bareek katey tamatar, parsley or ubla hua pasta dal kar halki aanch per 2 se 3 minute tak mix kar len. Jab wo achi tarah mix ho jaye to is ma fresh cream, mozarella cheese, namak, pisi dar cheeni or kali mirch shamil kar ke 3 se 4 minute tak tez aanch per achi tarah bhoonen. Akhir ma ubli palak dalen or or 2 se 3 minute tak mix kar ke chicken creamy pasta serve karen.
Chicken Creamy Pasta Recipes
