Urdu Palace No.1 Urdu Website
Related Articles
Chicken Corn Soup Recipe
Chicken Corn Soup
Ajzaa:
Chicken: Derh kilo (sabit rakhen jab chicken gal jaye to nikal kar choti choti botiyan kar len)
Safed mirch pisi hui: Ek chaye ka chamach
Corn flour: 3 khaney ke chamach
Cream of corn: Ek chota tin
Chicken cube mila hua meda: Ek khaney ka chamach
Til ka tail: Chand qatrey
Yakhni: Ek litre (ek peyali yakhni alag rakh len)
Cheeni: Ek chaye ka chamach
Namak: Hasb-e-zaiqa
Anday: 2 adad
Tail: 2 khaney ke chamach
Tarkeeb:
Ek bari degchi ma yakhni or cream or corn daal kar halki aanch per pakne den. Jab ubaal aa jaye to meda, cheeni, safed mirch or chicken ke tukrey daal den. Chamach chalate rahen. Jab sab cheezen yak jaan ho jayen to tail daal den. Andon ko halka sa phent kar rakh len. Jab soup peene ke liye tyar karna ho to corn flour ek peyali yakhni ma ghol len or daal den. Lakri ka chamach chalati rahen. Degchi choolhey se utar kar do se teen minute baad andon ko phent kar daal den. Jaldi jaldi chamach chalate huwe dobara choolhey per rakh den. Bare bare tukrey ban jayen ge. Jab anday ke tukrey ban jayen to til ka tail daal kar garm garm peene ke liye pesh karen. Mazedar chicken corn soup recipe tyar hai.
